Ҳиндистон коинотга энг оғир ҳарбий алоқа сунъий йўлдошини учирди
Вазни 4,4 тонна бўлган сунъий йўлдош LVM3 ракетаси ёрдамида геостационар орбитага чиқарилган.
Ҳиндистон космик тадқиқотлар ташкилоти (ИСРО) мамлакат ҳарбий-денгиз кучлари учун мўлжалланган энг оғир алоқа сунъий йўлдоши — GSAT-7R'ни коинотга муваффақиятли учирди. Вазни 4,4 тонна бўлган сунъий йўлдош LVM3 ракетаси ёрдамида геостационар орбитага чиқарилгани ҳақида “TASS” хабар берди.
Ҳиндистон Мудофаа вазирлигининг маълум қилишича, GSAT-7R сунъий йўлдоши ҳарбий-денгиз кучларининг оператив салоҳиятини сезиларли даражада кучайтиради. Қурилма орқали кемалар, самолётлар, сув ости кемалари ҳамда Ҳарбий-денгиз кучларининг қўмондонлик ва назорат марказлари ўртасида юқори сифатли ва узлуксиз алоқа таъминланади.
Мазкур лойиҳа Ҳинд океанидаги ҳарбий-стратегик имкониятларни мустаҳкамлаш ва минтақадаги хавфсизликни оширишга хизмат қилади.
