2025 йил бошидан буён авиаҳалокатларда 400 нафардан ортиқ киши ҳалок бўлди
Энг йирик фожиа Ҳиндистонда 260 кишининг ўлимига сабаб бўлган Аир Индиа самолёти ҳалокати ҳисобланади.
2025 йилнинг ўтган даври давомида дунё бўйлаб содир бўлган авиаҳалокатлар оқибатида 400 нафардан ортиқ инсон ҳаётдан кўз юмди. Бу кўрсаткич сўнгги ўн йилликдаги ўртача кўрсаткичдан анча юқори. Таққослаш учун, охирги 10 йилда йилига ўртача 284 киши авиаҳалокатлар қурбонига айланган.
Йилнинг энг йирик фожеаларидан бири 12 июнь куни Ҳиндистоннинг Аҳмадобод шаҳрида кузатилди — Аир Индиа авиакомпаниясига тегишли Боэинг 787 Дреамлинер самолёти ҳалокати натижасида 260 нафар йўловчи ва экипаж аъзолари вафот этди.
Шунингдек, бир қатор бошқа жиддий авиаҳалокатлар ҳам қайд этилди. Хусусан:
- АҚШнинг Кентукки штати, Луисвилл шаҳрида УПС юк ташувчи самолёти қулаб тушиши оқибатида 7 киши ҳалок бўлди.
- Ноябрь ойида Туркиянинг АирАСТ авиакомпаниясига тегишли юк самолёти Гонконг аэропортида учиш-қўниш йўлагидан чиқиб кетган, натижада 2 экипаж аъзоси вафот этган.
- Америсан Аирлинес авиакомпаниясининг 5342-рейси эса Вашингтон яқинида ҳарбий вертолёт билан тўқнашуви оқибатида ҳалокатга учраб, қурбонлар сонининг ошишига сабаб бўлди.
Блоомберг маълумотларига кўра, 2015 йил ва 2018 йиллар авиаҳалокатлар бўйича энг фожеали даврлардан бири бўлган — ўша йилларда ҳалок бўлганлар сони йилига 500 нафардан ошган. Статистикага юк кўтариш қуввати 5,4 тонна ва ундан ортиқ бўлган, шунингдек 17 нафардан кўп йўловчига мўлжалланган самолётлар киритилган.
