Мелания Трамп “Йил ватанпарвари” мукофотига сазовор бўлди
Мукофот унга ички ва ташқи сиёсатдаги фаол иштироки, жумладан “Take It Down Act” қонуни ва сунъий интеллект лойиҳаларидаги ҳиссаси учун берилган.
АҚШ президенти Доналд Трампнинг рафиқаси, биринчи хоним Мелания Трамп Fox News телеканали томонидан ташкил этилган “Йил патриоти” мукофотини қўлга киритди. Бу мукофот унга Оқ уйга қайтганидан сўнг ички ва ташқи сиёсатдаги фаол иштироки, шунингдек, бир қатор ижтимоий ташаббуслари учун берилган.
Хусусан, Мелания Трамп “Take It Down Act” қонуни қабул қилинишида фаол иштирок этган ва сунъий интеллектни ривожлантириш бўйича лойиҳаларни амалга оширишга ҳисса қўшган. Шу билан бирга, федерал бюджетдан ҳомийлик остида ўсаётган ёшлар учун уй-жой ажратилиши бўйича 25 миллион доллар маблағ ажратилишига кўмаклашган.
Телеканал биринчи хонимнинг ташқи сиёсатдаги ташаббусларини ҳам алоҳида таъкидлаган: у украиналик ва россиялик болаларни оилалари билан бирлаштириш бўйича саъй-ҳаракатлари билан ажралиб туради.
