Украинада депутатлик ўринларини 160 минг долларга сотган сиёсатчи ҳибсга олинди

Украина хавфсизлик хизмати мамлакат полицияси билан ҳамкорликда собиқ "Гарант" партияси раҳбари Валерий Токарни таъсис ҳужжатларини қалбакилаштириш ва фирибгарликда айблаб ҳибсга олди. Токарь партия рўйхатидаги депутатлик ўринларини кейинги парламент сайловларида ваъда қилиб, уларни 160 минг доллар эвазига сотган.

 

Хавфсизлик хизмати маълумотига кўра, Токарь Киев шаҳридаги ресторанлардан бирида навбатдаги мижозидан пул олган вақтида ушланган. У ҳибсга олинган ва ҳозирда қамоқда сақланмоқда. Собиқ раҳбар катта ҳажмдаги фирибгарликда айбланмоқда ва унга мол-мулкини мусодара қилиш билан бирга, 12 йилгача озодликдан маҳрум қилиш жазоси қўлланилиши мумкин.

 

Ҳозирда тергов жараёнлари давом этмоқда ва полиция ушбу иш бўйича барча тафсилотларни аниқлашга ҳаракат қилмоқда. Фуқароларга бу каби фирибгарлик ҳолатларидан огоҳ бўлиш ва қонуний йўл билан ҳаракат қилиш тавсия қилинмоқда.