Трамп: Умримда ҳеч қачон ичмаганман

АҚШ президенти Доналд Трамп спиртли ичимликларни умрида татиб кўрмаганини айтди. Унинг маълум қилишича, бу қарор оиласидаги фожиали воқеалар билан боғлиқ.

 

Унинг акаси — Фред Трамп Жуниор — ёшлигидан алкогол муаммосига дучор бўлган ва 1981 йилда айнан шу муаммо оқибатида вафот этган. Трамп интервьюларида акаси доим унга “ичма” деб маслаҳат берганини, шу сабабли умри давомида бирор бокал алкогол ҳам ичмаганини қайд этган.

 

“Мен умримда умуман ичмаганман. Агар ичганимда, дунёдаги энг ёмон одам бўлиб кетар эдим”, — деган у ўз чиқишларида. 

 

Трамп сигарета ҳам чекмаганини, бу қарорни ўзини назорат қилиш ва соғлиғини асраш истаги билан боғлайди. Унинг таъкидлашича, алкогол инсон ҳаётини издан чиқариши, оилаларни вайрон қилиши мумкин.