БМТ Трампнинг Ғазо сектори бўйича тинчлик режасини маъқуллади
Хавфсизлик Кенгашининг 13 аъзоси Трамп таклифини маъқуллади, Россия ва Хитой бетараф қолишди.
БМТ Хавфсизлик Кенгаши АҚШнинг Ғазо сектори бўйича тинчлик режасини қўллаб-қувватловчи резолюцияни қабул қилди. 17 ноябрь куни Хавфсизлик Кенгашининг 15 аъзосидан 13 нафари Трампнинг таклифини маъқуллади, Россия ва Хитой эса бетараф қолишди.
Резолюция Ғазо секторини барқарорлаштириш, радикал исломий ҲАМАС ҳаракатини қуролсизлантириш ва Фаластин маъмуриятини яратишга чақирувчи халқаро куч ташкил этишни назарда тутади. Режа Трамп томонидан бошқариладиган “Тинчлик кенгаши” орқали амалга оширилади.
Овоз беришдан олдин Исроил ва ҲАМАС резолюцияни танқид қилди. Исроил уни Фаластин халқи ўз тақдирини белгилаши ҳақидаги тамойилга зид деб баҳолади, ҲАМАС эса халқаро кучларнинг Ғазо ичидаги фаолияти уларни бетарафликдан маҳрум қилиши мумкинлигини таъкидлади.
АҚШ президенти Доналд Трамп резолюция қабул қилинганини табриклаб, “Тинчлик кенгаши” таркибидаги энг нуфузли етакчилар билан ишлашини маълум қилди. Оқ уй Россия ва Хитойга миннатдорчилик билдирди.
Резолюция Ғазо секторидаги сулҳ жараёнини мустаҳкамлаш ва халқаро ҳамкорликни кучайтиришга хизмат қилади.
