Имрон Хон қамоқхонада вафот этди — ОАВ
Мазкур хабарлар ортидан унинг тарафдорлари кўчага чиқди.
Афғонистоннинг айрим оммавий ахборот воситалари 26 ноябр куни Покистоннинг собиқ бош вазири Имрон Хон Адиала қамоқхонасида вафот этгани ҳақида хабарлар эълон қилди. Уларнинг хабарига кўра, сиёсатчи “сирли тарзда” ҳаётдан кўз юмган ва унинг жасади қамоқхона ҳудудидан олиб чиқилган.
Бироқ мазкур хабар ҳозирча Покистон ҳукумати, Адиала қамоқхонасининг маъмурияти ёки Имрон Хоннинг партияси — Покистон Техрик-е-Инсаф (PTI) томонидан тасдиқланмади. Етакчи халқаро ахборот агентликлари ҳам бу борада расмий хабар бермаган.
Мазкур хабар ортидан ижтимоий тармоқларда катта шов-шув кўтарилиб, Имрон Хон тарафдорлари ва унинг яқинлари қамоқхона яқинида тўпланаётгани ҳақида постлар пайдо бўлган.
Маълумот учун, Имрон Хон турли жиноят ишлари бўйича судланган ҳолда қамоқда сақланаётганди. Охирги йилларда унинг соғлиги ёки ўлими ҳақидаги ёлғон хабарлар бир неча бор тарқалган ва кейинчалик рад этилган.
