Зеленский: “Украинани Россия босимидан ҳимоя қилаётган барча давлатлардан миннатдорман”

 

Украина президенти Владимир Зеленский мамлакатнинг тинчлик режаси устидаги музокаралар давом этаётгани, бу жараёнда АҚШ ва бошқа ҳамкорларнинг қўллаб-қувватлаши муҳим аҳамият касб этаётганини маълум қилди.

 

Президентнинг таъкидлашича, ҳозирда Украина делегацияси Америка томони билан тинчлик ташаббусининг алоҳида бандларини муҳокама қилмоқда. Зеленский давлатлар томонидан Россияга нисбатан кўрсатилаётган босим, шунингдек, Украинани қўллаб-қувватлаш чораларини юқори баҳолади.

 

“Россияга босим ўтказаётган ва Украинани ҳимоя қилаётган барча давлатларга чуқур миннатдорчилик билдираман. Ҳар бир саъй-ҳаракат биз учун жуда муҳим. Келгуси ҳафтада делегациямиз билан бирга мен ҳам бир қатор муҳим учрашувлар ўтказаман. Украина ўз позициясида қатъий туради ва буни давом эттиради”, — деди Зеленский.

 

Шунингдек, Украина Миллий хавфсизлик ва мудофаа кенгаши котиби Рустем Умеров делегация таркибига кирган ҳолда, Зеленский ноябрь ойининг охиригача АҚШга ташриф буюриб, АҚШ президенти Доналд Трамп билан тинчлик режаси бўйича музокаралар ўтказиши режалаштирилганини маълум қилди.