Бугун Путин ва АҚШ махсус вакили Виткофф учрашуви бўлиб ўтади

 

Россия президенти Владимир Путин ва АҚШ президентининг махсус вакили Стивен Виткоффнинг учрашуви 2 декабрь куни, тушдан кейин бўлиб ўтади. Бу ҳақда Кремль матбуот котиби Дмитрий Песков журналистларга маълум қилди.

 

Песковнинг сўзларига кўра, президент Путиннинг бугун эртага Россия-Америка мулоқотига тайёргарлик кўриш мақсадида бир нечта шахсий учрашувлари ҳам ўтказилади.

 

Оқ уй маъмурияти Россия-Украина можаросини тинч йўл билан ҳал қилиш бўйича келишув имкониятларига жуда оптимистик қарамоқда. Бу ҳақда матбуот котиби Керолин Левитт журналистларга Стивен Виткоффнинг Москва ташрифи билан боғлиқ саволларга жавоб берар экан маълум қилди.

 

“Маъмурият жуда оптимистик. Президентнинг бутун аппарати, жумладан Стивен Виткофф, Давлат котиби Марко Рубио, вице-президент Венс, шунингдек, Пентагон котиби Пит Хегсет бу борада катта меҳнат қилди”, — деди Левитт.

 

Унинг сўзларига кўра, 30 ноябрь куни Флоридада ўтказилган АҚШ-Украина музокаралари самарали бўлган ва ҳозирги фаолият “шатл дипломатияси” деб аталадиган икки томонлама тенг мулоқот шаклида давом этмоқда.

 

Левитт шунингдек, мумкин бўлган келишувнинг асосий нуқталари аллақачон ҳужжатга туширилганини ва сезиларли даражада такомиллашганини таъкидлади. Тафсилотлар ҳали музокара мавзуси бўлиши мумкин бўлсада, Оқ уй ушбу жараёнга ижобий баҳо бериб, урушнинг тинч йўл билан якунланишига умид билдирмоқда.

 

Олдинроқ  Wall Street Journal Виткофф ва Оқ уй раҳбарининг куёви Жаред Кушнернинг Украина инқирозини ҳал қилиш бўйича музокараларни давом эттириш мақсадида душанба куни Москвага келиши ҳақида хабар берган эди.

 

Учрашув куннинг иккинчи ярмида бўлиб ўтиши режалаштирилган.