Рим папаси Фаластин давлатини тан олишга чақирди
У буни можаронинг ягона ечими шу эканини таъкидлади.
Рим папаси Лео XIV Яқин Шарқдаги кескин вазият фонида халқаро ҳамжамиятни Фаластин давлатини тан олишга чақирди. Папа бу баёнотни 30 ноябрь куни Туркиядан Ливанга йўл олган самолётида журналистлар билан мулоқот чоғида билдирди.
“Фаластин давлатини тан олиш — Исроил-Фаластин можаросининг ягона ечимидир,” деди Папа бу борада Ватикан позицияси қатъий бўлиб қолишини таъкидларкан.
Унинг айтишича, ҳозирги кунда Исроил ҳукумати бу контсепцияни қабул қилмаётгани жараённи мураккаблаштирмоқда, бироқ Ватикан “адолатли тинчлик” учун дипломатик босимни давом эттиради.
Фаластин раҳбарлари Папага миннатдорчилик билдириб, унинг баёнотини нафақат диний доиралар, балки глобал дипломатик майдон учун ҳам муҳим қадам сифатида таърифлашди.
Исроил ҳукумати эса аввалгидек Фаластин давлатини тан олиш масаласида эҳтиёткор позицияни сақлаб келмоқда, айрим сиёсий гуруҳлар эса бунга кескин қарши. Бу ҳолат Ватикан чақириғининг амалий натижалари яқин келажакда сезиларли бўлишини қийинлаштиради. Бироқ Папа Лео XIVнинг сўзлари халқаро босим ортаётганини ва глобал муҳокамалар яна жонлана бошлаганини кўрсатади.
