Green Card учун рўйхатдан ўтиш бошланганига доир тарқалган хабарлар рад этилди
АҚШнинг Ўзбекистондаги элчихонаси тарқалаётган маълумотлар ҳақиқатга тўғри келмаслигини таъкидлади.
Ижтимоий тармоқларда АҚШнинг Green Card (Diversity Visa) дастури бўйича янги мавсум учун рўйхатдан ўтиш бошланганига оид маълумотлар тарқалмоқда. АҚШнинг Ўзбекистондаги элчихонаси ушбу маълумотларни асоссиз эканини маълум қилди.
Дипломатик миссия таъкидлашича, DV–2027 дастурига рўйхатдан ўтиш санаси ва ариза бериш жараёнига доир барча янгиликлар фақат АҚШ Давлат департаменти томонидан тасдиқланганидан сўнг расман эълон қилинади.
Шунингдек, элчихона ижтимоий тармоқларда тарқалган расмий бўлмаган постлар, турли каналлар ва шахслар томонидан берилаётган “рўйхатдан ўтишда ёрдам”, “ютиш имкониятини ошириш” каби пуллик таклифлар фирибгарлик эканини эслатди.
