Покистон ва Афғонистон чегарачилари ўртасида отишма юз берди

 

2025 йил 5 декабрь куни кечқурун Чаман чегара пункти яқинида Покистон ва Афғонистон кучлари ўртасида артиллерия ўқлари иштирокида отишма содир бўлди. Покистон ва Афғонистон расмийлари бир-бирини провокацияда айбламоқда. Бу ҳақда Давн газетаси манбаларга таяниб хабар берди.

 

Покистон расмийларига кўра, афғон кучлари томонидан биринчи бўлиб Покистон ҳудудига миномёт отилган. Шу билан бирга, Афғонистон ҳукумати сўзловчиси Забиҳуллоҳ Мужоҳиднинг айтишича, афғон кучлари Қандаҳор вилоятининг Спин Болдак туманида Покистон зарбаларига жавоб қайтарган.

 

Отишма маҳаллий вақт билан тахминан 22:00 да бошланган ва кечгача давом этган. Уч нафар шахс яраланган ва туман касалхонасига етказилган. Қурбонлар сони ҳақида маълумот берилмаган.

 

Эслатиб ўтамиз, 2025 йил октябрь ойида ҳам Покистон–Афғонистон чегарасида қуролли тўқнашувлар содир бўлгани қайд этилган. Бу 2021 йилда Кобулда Толибон ҳокимият тепасига келганидан бери энг қонли тўқнашув ҳисобланади. Уларнинг бошланишига Покистон чегара постларига ҳужумлар сабаб бўлган, унга жавобан Покистон Ҳарбий-ҳаво кучлари террорчилик базаларига зарба берган. Можаро томонлари Қатар ва Туркия воситачилигида вақтинчалик сулҳ ва ўт очишни тўхтатиш бўйича келишувга эришган, ва ушбу келишув амалда қолмоқда.