Хитой Ғазога 100 миллион долларлик инсонпарварлик ёрдами кўрсатади
Си Сзинпинг Франция Президенти билан Пекинда бўлган учрашувдан сўнг бу ҳақда маълум қилди.
Пекинда Франция Президенти Эммануэл Макрон билан учрашганидан сўнг матбуот анжуманида сўзлаган Хитой Президенти Си Жинпинг Ғазо секторидаги инсонпарварлик инқирозини енгиллаштириш ва қайта тиклаш ишлари учун Фаластинликларга 100 миллион долларлик ёрдам ажратилишини маълум қилди.
Си Жинпингнинг таъкидлашича, ушбу маблағ инсонпарварлик вазифаларини бажариш, зарурий ёрдам етказиш ва Ғазода инфраструктурани тиклаш ишларини қўллаб-қувватлашга йўналтирилади.
Учрашув давомида икки давлат раҳбарлари шунингдек, минтақавий тинчлик ва барқарорликни мустаҳкамлаш, ҳамкорликни ривожлантириш масалаларини муҳокама қилди.
