“Зеленский ҳали АҚШнинг Украина бўйича тинчлик режасини ўқиб чиқмаган” — Доналд Трамп
Трамп Зеленскийнинг таклиф билан танишмагани уни ҳафсаласи пир қилганини айтди.
АҚШ президенти Доналд Трампнинг айтишича, Киев раҳбари Владимир Зеленский ҳали Вашингтон таклиф қилган тинчлик режасини кўриб чиқмаган. Трамп бу ҳолат уни бироз ҳафсаласи пир қилганини таъкидлади.
Трампнинг сўзларига кўра, у Россия президенти Владимир Путин, шунингдек, Украина раҳбарияти, жумладан Зеленский билан мулоқотда бўлган. Унинг айтишича, Зеленский атрофидаги маслаҳатчилар режа билан қисман танишиб, уни маъқуллаган, бироқ Украина президенти ҳали ҳужжатни ўқимаган.
“Россия имкон топганда бутун Украинани эгаллаган бўларди. Аммо, менинг фикримча, тинчлик режамиз Москвани қониқтиради. Зеленский бунга рози бўладими-йўқми, амин эмасман”, — деди Трамп.
