Чирчиқда коптокни олмоқчи бўлган 15 ёшли бола чўкиб кетди
Яқинлари қидиргач, боланинг жасади дарёдан топилган.
7 декабр куни Чирчиқ дарёсида вояга етмаган бола чўкиб кетиб, вафот этди. Бу ҳақда zamon.uz’га Бош прокуратура матбуот котиби Ҳаёт Шамсутдинов хабар қилди.
Маълум қилинишича, 8 декабрь куни Чирчиқ шаҳрида яшовчи шахс ИИБга мурожаат қилиб, 7 декабр куни фарзанди яшаш уйи олдида дўстлари билан футбол ўйнаш учун чиқиб кетиб, бедарак йўқолганини билдирган.
Аниқланишича, вояга етмаган шахснинг тўпи Чирчиқ дарёсига тушиб кетган. Бола ушбу тўпни олаётган вақтда эҳтиётсизлиги оқибатида сувга тушиб, чўкиб кетган ва бедарак йўқолган. Кейинчалик бола ўлик ҳолда топилган.
Ҳозирда мазкур ҳолат юзасидан текширув ҳаракатлари олиб борилмоқда.
