Бухоро вилоятида аёл фарзандлари билан бирга ўзини чўктирмоқчи бўлди
Аёл турмуш ўртоғи бошқа бировга уйланмоқчи эканлигини билдирганидан сўнг, ўз жонига қасд қилишга уринган.
Бухоро вилоятида икки ўғилнинг онаси турмуш ўртоғи бошқа бировга уйланмоқчи эканлигини маълум қилганидан сўнг, ўз жонига қасд қилишга уринди. Воқеа 9 март куни Юзон маҳалласида содир бўлган.
Аёл аввалига тўнғич ўғлини ариқчага улоқтирган, сўнг кенжа ўғлини қучоғида сувга сакраган. Йўловчилар тўнғич ўғлини қутқаришга муваффақ бўлган, кенжа ўғлини эса аёл билан бирга сувдан олиб чиққан. Болалар касалхонага ётқизилган ва ҳеч қандай жиддий жароҳат олмаган.
Олий суд матбуот хизмати хабарига кўра, аёлга нисбатан Ўзбекистон Республикаси Жиноят кодексининг 97-моддаси 25-қисми 2-бандига (“Икки ёки ундан ортиқ шахсни ночор ҳолатда ўлдиришга суиқасд қилиш”) асосан жиноят иши қўзғатилган. Суд аёлни тўрт йилга озодликдан маҳрум қилган.
