Ўзбекистон ва Парагвай Президентлари биргаликда дарахт экишди
Кўксаройда ўтган маросим икки давлат ўртасидаги дўстлик ва ҳамкорликнинг янги босқичини рамзий тарзда ифодалади.
Ўзбекистон билан Парагвай ўртасида олий даражадаги музокаралар якунлангач, Кўксарой қароргоҳида дарахт экиш маросими бўлиб ўтди.
Мамлакатларимиз ва халқларимиз ўртасидаги дўстлик ҳамда шерикчиликни мустаҳкамлашга, икки томонлама муносабатлар тарихида янги саҳифа очишга ўзаро қатъий интилишнинг рамзи сифатида Президентлар Шавкат Мирзиёев ва Сантяго Пеня биргаликда Фахрий меҳмонлар хиёбонида дарахт экдилар.
