Тозалик ходимларининг иш ташлаши туфайли Париж Диснейленди ахлатга тўлди
Меҳнат шароитларидан норози ишчилар норозилик ҳаракатларини бошлашган.
ОАВ хабарларига кўра, Париж яқинидаги Диснейланд Парисъда тозалаш ходимларининг иш ташлаши оқибатида боғ кириш ҳудудлари ахлатга тўлиб кетган. Норозилик акцияси вақтида ташриф буюрувчилар, жумладан болали оилалар, чиқиндилар ва ёқимсиз ҳид орасидан ўтишга мажбур бўлган.
Маълум қилинишича, норозилик акциясини Диснейланд Парисънинг учинчи томон пудратчиси — ОНEТ компаниясига қарашли тозалаш ходимлари уюштирган. Улар оғир ва “инсоний бўлмаган” меҳнат шароитларига эътибор қаратиш мақсадида ахлатни энг кўзга кўринадиган жойларга атайлаб ташлаган. Ижтимоий тармоқларда тарқалган видеоларда боғ киришидаги чиқинди уюмлари ва барабан чалиб, шиорлар айтаётган ишчилар акс этган.
Ҳолат жамоатчилик орасида кескин баҳсларга сабаб бўлди. Айримлар ишчиларни қўллаб-қувватлаб, уларнинг адолатли меҳнат шароитларига ҳақли эканини таъкидласа, бошқалар болалар байрами бузилгани учун норозилик билдирди. Мутахассислар бу воқеа Диснейланд Парисъда меҳнат муносабатлари бўйича аввалдан мавжуд муаммоларнинг навбатдаги кўриниши эканини қайд этмоқда.
