Ўзбекистон Қирғизистондан гул ва куртак импорт қилувчи асосий давлатлар қаторига кирди
Экспорт ҳажми бир йил ичида кескин ошиб, рекорд кўрсаткич қайд этилди
Қирғизистон жорий йилнинг 10 ойи давомида 3,3 миллиондан ортиқ кесилган гул ва куртакларни хорижга экспорт қилди. Бу ҳақда очиқ статистик маълумотларда келтирилган.
Экспорт қилинган гулларнинг қарийб 3,1 миллиони Россияга (ЕОИИ аъзоси давлат сифатида) йўналтирилган. Қолган қисми эса Ўзбекистон бозорига етказиб берилган бўлиб, мамлакат Қирғизистондан гул ва куртак импорт қилувчи асосий икки давлатдан бирига айланди.
Мутахассислар таъкидлашича, жорий йилги экспорт кўрсаткичи рекорд даражада юқори. Солиштириш учун, ўтган йили Қирғизистондан экспорт қилинган кесилган гуллар ҳажми атиги 133 минг 500 донани ташкил этган эди.
