2 нафар шахсни Таиландга фоҳишаликка жўнатмоқчи бўлган аёл аэропортида ушланди
Ушбу жиноий ҳаракат Таиланд давлатида бўлиб турган, 20 ёшли шахс томонидан ташкил этилгани аниқланган.
Давлат хавфсизлик хизмати ҳамда Ички ишлар вазирлиги ходимлари ҳамкорлигида одам савдосига қарши курашиш йўналишида тезкор тадбир ўтказилди.
Тадбир давомида пойтахтда истиқомат қилувчи, 1998 йилда туғилган С.Н. икки нафар фуқарони Таиланд давлатига фоҳишалик билан шуғулланиш мақсадида юбораётган вақтида Тошкент халқаро аэропортида қўлга олинди.
Шунингдек, ушбу жиноий ҳаракат Таиланд давлатида бўлиб турган, 2005 йилда туғилган Ф.A. томонидан ташкил этилгани аниқланган.
Ҳозирда мазкур шахсларга нисбатан Ўзбекистон Республикаси Жиноят кодексининг 135-моддаси 2-қисми «б», «г», «э», «з» бандлари билан жиноят иши қўзғатилиб, тергов ҳаракатлари олиб борилмоқда.
