8 йилга қамалган Акмал Шукуровни озодликка чиқарган судьяларга хизмат текшируви тайинланди

Жорий йилнинг 16 март куни Тошкент шаҳридаги тунги клуб олдида зўравонлик қилиб, 8 йилга қамалган Акмал Шукуров озодликка чиқарилгани ижтимоий тармоқларда кенг муҳокамаларга сабаб бўлгач, у тафтиш инстанцияси ажрими билан яна қамоққа қайтарилди. Судялар олий кенгаши ҳолат юзасидан расмий муносабат билдирди.

 

Қайд этилишича, ижтимоий тармоқларда катта муҳокамаларга сабаб бўлган А. Шукуровга оид жиноят иши Тошкент шаҳар суди апелляция инстанциясида кўрилиб чиқилиши билан боғлиқ ҳолатларга ойдинлик киритиш юзасидан хизмат текшируви тайинланган.

 

“Хизмат текшируви Судьялар олий кенгаши томонидан ўтказилмоқда. Натижаси бўйича қўшимча ахборот берилади”, дейилади хабарда.

 

Эслатиб ўтамиз, 2025 йил 16 март куни тунда эса у Яккасарой туманидаги “The Tower” меҳмонхонаси ёнида ресторандан чиққан К.Е.га тегажоғлик қилган. Аёлнинг турмуш ўртоғи А.Х. хотинининг шаънини ҳимоя қилганида Акмал Шукуров эркак ва аёлга, шунингдек, воқеа жойида бўлган Е.К.га зарба берган. Бунинг оқибатида Х.А. ва Е.К. енгил тан жароҳати олишган.