Бугун Ўзбекистонда совуқ ва ўзгарувчан об-ҳаво кутилмоқда.
Тоғ олди ва тоғли ҳудудларда қор ёғиши ҳамда қор кўчиши хавфи мавжуд.
Ўзбекистон Республикаси Гидрометеорология хизмати агентлигининг хабар беришича, 19 декабрь куни Тошкентда ҳаво ўзгариб туради, кечаси ва эрталаб бироз қор ёғиб, туман тушиши мумкин. Кундузи ёғингарчилик кутилмайди. Йўлларда яхмалак кузатилади. Ғарбдан секундига 3–8 метр тезликда шамол эсади. Кечаси 0–2 даража совуқ, кундузи 1–3 даража илиқ бўлади.
Қорақалпоғистон Республикаси ва Хоразм вилоятида ҳаво ўзгариб туради, ёғингарчилик кутилмайди. Айрим жойларда туман тушиши мумкин. Ғарбдан секундига 7–12 метр тезликда шамол эсади. Кечаси 9–14 даража совуқ, Устюртда айрим жойларда 15–18 даражагча совуқ, кундузи 2 даража совуқ, 3 даража илиқ бўлади.
Бухоро ва Навоий вилоятларида ҳаво ўзгариб туради, ёғингарчилик кутилмайди. Баъзи жойларда туман тушиши мумкин. Ғарбдан секундига 7–12 метр тезликда шамол эсади. Кечаси 3–8 даража совуқ, чўл ҳудудлар шимолида 10–13 даражагча совуқ, кундузи 3–8 даража илиқ бўлади.
Тошкент, Самарқанд, Жиззах ва Сирдарё вилоятларида ҳаво ўзгариб туради, кечаси ва эрталаб айрим жойларда бироз қор ёғиб, туман тушиши мумкин. Кундузи ёғингарчилик кутилмайди. Йўлларда яхмалак кузатилади. Ғарбдан секундига 7–12 метр тезликда шамол эсади. Кечаси 0–5 даража совуқ, кундузи 0–5 даража илиқ бўлади.
Қашқадарё ва Сурхондарё вилоятларида ҳаво ўзгариб туради, ёғингарчилик кутилмайди. Фақат кечга томон ёғингарчилик (ёғмғир ёғиши, айрим жойларда қорга айланиши мумкин) бўлиб, туман тушиши мумкин. Ғарбдан секундига 7–12 метр тезликда шамол эсади. Кечаси 2 даража совуқ, 3 даража илиқ, кундузи 4–9 даража илиқ бўлади.
Андижон, Наманган ва Фарғона вилоятларида ҳаво ўзгариб туради, кечаси ва эрталаб баъзи жойларда ёғингарчилик (ёғмғир, қор) бўлиши, туман тушиши мумкин. Кундузи ёғингарчилик бўлмайди. Йўлларда яхмалак кузатилади. Ғарбдан секундига 5–10 метр тезликда шамол эсади. Кечаси 2 даража совуқ, 3 даража илиқ, кундузи 0–5 даража илиқ бўлади.
Республикамизнинг тоғ олди ва тоғли ҳудудларида ҳаво ўзгариб туради, вақти-вақти билан қор ёғиб, туман тушиши мумкин. Йўлларда яхмалак кузатилади. Тоғли ҳудудларда қор кўчиши хавфи бор. Ғарбдан секундига 7–12 метр тезликда шамол эсади. Кечаси 2–7 даража совуқ, кундузи 3 даража совуқ, 2 даража илиқ бўлади.
