Сиднейда террорчини қуролсизлантирган эркакни қўллаб-қувватлаш учун бутун дунёдан $2,5 млн йиғилди
Хайрия маблағлари таниқли блогер Зачерй Дерениовски томонидан йиғилди, 43 000 дан ортиқ инсон иштирок этди.
Сидней пляжида жасорат кўрсатган суриялик қочқин Аҳмад ал-Аҳмад бутун дунёдан 2,5 миллион доллар молиявий ёрдам олди.
14 декабрь куни Сиднейнинг Бонди пляжида содир бўлган террорчилик ҳужумини зарарсизлантирган суриялик қочқин Аҳмад ал-Аҳмад халқаро миқёсда эътироф этилди ва унинг жасорати учун бутун дунё аҳолиси томонидан 2,5 миллион доллардан ортиқ маблағ йиғилди. Бу хайрия маблағлари таниқли блогер Зачерй Дерениовски томонидан ташкил этилган кампания орқали тўпланган.
Ҳодиса пайтида ҳужумчилар одамларга қарата отишган, Аҳмад ал-Аҳмад ҳужумчилардан бирини тўхтатган. Бу жараёнда қочқин жароҳат олди ва ҳозирда касалхонада даволанмоқда. Дерениовски Facebook орқали хайрия маблағининг топширилганини тасдиқлади, хайрия кампаниясида 43 000 дан ортиқ инсон қатнашган.
Австралия Бош вазири Энтони Албанесе Аҳмад ал-Аҳмаднинг жасоратини юқори баҳолаб, унга миннатдорчилик билдирди.
