КХДР хакерлари криптовалюта бозорида рекорд ўғирликларни амалга оширди

 

“Bloomberg” хабарига кўра, 2025 йил давомида Шимолий Корея (КХДР) билан боғлиқ хакерлик гуруҳлари томонидан қарийб 2 миллиард долларлик криптовалюта ўғирланган. Бу кўрсаткич 2024 йилга нисбатан 50 фоиздан кўпроқ ўсишни англатади. Чаиналйсис таҳлилига кўра, ушбу маблағлар йил бошидан буён крипто саноатида қайд этилган жами 3,4 миллиард долларлик ўғирликларнинг асосий қисмини ташкил этган.

 

Энг йирик ҳодиса февраль ойида содир бўлган бўлиб, унда шимолий кореялик хакерлар Бйбит криптобиржасидан 1,5 миллиард долларни ўғирлашга муваффақ бўлган. Мутахассисларнинг таъкидлашича, КХДР бугунги кунда давлатлар орасида криптовалюта хавфсизлигига энг жиддий таҳдид солаётган субъектлардан бири бўлиб қолмоқда. Чаиналйсисънинг миллий хавфсизлик бўйича эксперти Эндрю Фиерманнинг айтишича, крипто ўғирликлар Пхенян учун муҳим молиявий манбага айланган ва бу маблағлар режимни қўллаб-қувватлашга хизмат қилмоқда.

 

Тадқиқотчилар Шимолий Корея хакерлари ўғирланган активларни яшириш ва «ювиш» учун тобора мураккаб усуллардан фойдаланаётганини қайд этмоқда. Жумладан, транзакцияларни кичик қисмларга бўлиб ўтказиш орқали мониторинг тизимларидан четлаб ўтилмоқда. Ноябрь ойида Жанубий Кореянинг йирик Упбит криптобиржасида 30 миллион долларлик активлар ўғирлангани ҳам Лазарус гуруҳи билан боғланган. Мутахассислар бу ҳолатлар глобал криптобозор учун хавфлар сақланиб қолаётганини кўрсатишини таъкидламоқда.