"SCIENCE AND INNOVATION AWARDS 2025" тақдирлаш маросими бўлиб ўтди

 

20 декабрь куни Туркистон санъат саройида ўзбек илм-фанининг энг нуфузли инсонлари бир жойга тўпланди. "SCIENCE AND INNOVATION AWARDS 2025" мукофотлаш тадбирига зиёлилар ташриф буюрди. Тўрт йилдан буён ўтказиб келинаётган ушбу маросим "SCIENCE AND INNOVATION" халқаро илмий журнали жамоаси ташаббуси билан ташкил этилди.

 

Нуфузли тадбирда илм-фан ва инновациялар ривожига муносиб ҳисса қўшган энг илғор олимлар ва ташкилотлар эътироф этилди. Илмий байрамни "Science and Innovation" компанияси бош директори Рустамов Бахтиёр Нормаматович очиб берди.

 

 

Бахтиёр Нормаматович нутқида илм-фан тараққиётининг жамиятдаги ўрни, таълим тизимида инновацион ёндашувлар аҳамияти ҳамда олимларни қўллаб-қувватлаш масалаларига алоҳида тўхталди.

 

Ўзбекистондаги илм-фан соҳаларида янги ютуқларга эришган олимлар, таълим муассасалари ва ташкилотлар сараланиб, йилнинг "энг яхшиси" мақомини қўлга киритди. Тадбир давомида 10 та нуфузли номинация бўйича ғолиблар аниқланиб, тантанали равишда тақдирландилар.

 

 

• Йил олимлари номинациясига: Ашуров Равшан Раджабович, Агзамходжаева Саида Сабитхановна, Пулатова Жамила Шагаиратовна;

 

• Йилнинг энг яхши олий таълим муассасаси – Тошкент шаҳридаги Турин политехника университети;

 

• Йилнинг энг яхши нодавлат олий таълим муассасаси – Central Asian University;

 

• Йилнинг энг яхши илмий тадқиқот институти – Автомобиль йўллари илмий тадқиқот институти;

 

• Йилнинг энг инновацион университети – Самарқанд халқаро технологиялар университети;

 

• Йилнинг энг яхши илмий нашри – Нилуфар Абдурахмонова, "Компьютер лексикографияси";

 

• Бахтиёр Нормаматович – Академик Джураев Рисбай Хайдарович;

 

• Йилнинг энг яхши тадқиқот маркази – Рақобат сиёсати ва истеъмолчилар ҳуқуқларини ҳимоя қилиш илмий тадқиқот институти;

 

• Илм-фан хомийси номинацияси – "APEX Insurance" компанияси.

 

 

Саралаш жараёни икки босқичда амалга оширилган, номзодларнинг илмий салоҳияти, касбий фаолияти ва амалий натижалари аниқ баҳоланган. Якуний натижалар асосида энг муносиб деб топилган иштирокчилар мукофотлар, дипломлар ва эсдалик совғалари билан тақдирландилар.