Наманганда МИБ орқали 5,5 млрд солиқ қарзи ундирилди
Ижро ҳужжатига кўра, фермер хўжалигининг катта миқдорда қарзи бўлган.
Мажбурий ижро бюроси Чуст тумани бўлими томонидан олиб борилган тизимли чора-тадбирлар натижасида фермер хўжаликларидан бирининг давлат бюджети олдидаги 5,5 миллиард сўм солиқ қарздорлиги тўлиқ ундирилди.
Бюро органлари томонидан солиқ қарздорлиги ундириш билан боғлиқ ҳужжат ижросини таъминлаш, қарздорликларни қисқартириш ҳамда бюджет тушумларини ошириш мақсадида мунтазам тадбирлар амалга оширилмоқда.
Ушбу жараёнда қарздор фермер хўжаликлари билан тушунтириш ишлари олиб борилиб, қонуний чоралар қўлланилди.
Натижада, мазкур фермер хўжалигининг йиғилиб қолган солиқ қарзи давлат бюджетига ундирилди.
