Ўзбекистонда олтин нархи йил бошига нисбатан 60 фоизга ўсди
Олтин нархи шу йилнинг ўзида 45 мартадан кўпроқ рекорд ўрнатди.
25 декабрь ҳолатига кўра, Ўзбекистонда 1 гирам олтин нархи 1 млн 788 минг сўмни ташкил қилмоқда. Ҳозирги вақтга қадар бу рекорд кўрсаткич ҳисобланади.Олтин нархи бир кунда 0,3 фоизга, йил бошига нисбатан 60 фоизга ошди.
Марказий банк томонидан 25 декабрь куни ўлчовли олтин қуйма нархларини эълон қилди. Унга кўра, 1 грамм олтин қуймасининг нархи 1 млн 788 минг сўмни ташкил қилмоқда.
Бу нарх Ўзбекистонда олтин қуймалари сотила бошлагандан бери кузатилаётган энг юқори кўрсаткич ҳисобланади.
Нархлар бир кунда 0,3 фоизга, йил бошига нисбатан эса 60 фоизга ошди. Олтин нархи шу йилнинг ўзида 45 мартадан кўпроқ рекорд ўрнатди.
Жаҳон бозорида ҳам олтин нархи ўз тарихидаги юқори чўққиларни забт этмоқда.
Хусусан, 24 октябрь куни олтиннинг 1 трой унцияси тарихда илк бор 4 минг 500 доллардан ошди. Бироқ бугун, 25 декабрь соат 9:52 ҳолатига кўра, 4 минг 480 долларни ташкил этмоқда.
2025 йилда олтин нархининг рекорд даражага кўтарилиши билан бир қаторда кескин пасайиш ҳам кузатилди. Жумладан, 27 октябрь куни олтиннинг бир трой унцияси 4 минг доллардан пастга тушди.
Кун давомида энг паст нуқта 3 минг 970 доллар даражасига етди. Бу 10 октябрдан буён кузатилган энг паст кўрсаткич эди.
Reuters нашри бунинг сабабларини АҚШ ва Хитой ўртасидаги савдо муносабатларининг яхшиланаётгани билан изоҳлади.
Унда АҚШ ва Хитой ўртасида савдо келишуви имзоланса, бу хавфсиз активларга, жумладан олтинга бўлган талабни камайтириши таъкидланди.
Маълумот учун, жаҳон бозорида олтин нархининг ўсиши туфайли Ўзбекистон 11 ойда қарийб 10 млрд сўмлик рекорд даражада олтин экспорт қилди.
1 декабрь ҳолатига кўра, мамлакатнинг олтин-валюта захиралари 61,2 млрд долларни ташкил этмоқда. Бу ҳам рекорд кўрсаткичдир.
