1 январдан QR-кодсиз ишлаган ЙТТ ва ўзини ўзи банд қилганларга жарима қўлланади
Электрон тўловлар учун махсус QR-код талабини бузганлар 5 миллион сўмгача жаримага тортилади.
Ўзбекистонда Маъмурий жавобгарлик тўғрисидаги кодексга киритилган ўзгартишларга кўра, 2026 йил 1 январдан бошлаб якка тартибдаги тадбиркорлар ва ўзини ўзи банд қилган шахслар электрон тўловларни қабул қилиш учун мажбурий равишда махсус QR-кодга эга бўлиши шарт. Ушбу QR-код тўлов ташкилотларининг рақамли платформалари орқали шакллантирилади.
Белгиланган тартибда QR-кодга эга бўлмаслик назорат-касса техникаси ёки ҳисоб-китоб терминалларидан фойдаланмаслик билан тенглаштирилади. Бу эса қонунбузарлик сифатида баҳоланади.
Янги талабни бажармаган шахсларга нисбатан Маъмурий жавобгарлик тўғрисидаги кодекснинг 221-моддаси асосида 5 миллион сўм миқдорида жарима белгиланган.
Шунингдек, бошқа шахс номига расмийлаштирилган QR-коддан фойдаланиш янада оғирроқ ҳуқуқбузарлик ҳисобланади ва бунинг учун 20 миллион сўм жарима қўлланади.
