Путин қандай қилиб бўлса ҳам Донбассни тўлиқ эгаллашни мақсад қилганини айтди

 

Россия президенти Владимир Путин миллиардерлар билан ёпиқ учрашувда АҚШ билан музокараларда Донбасснинг бутун ҳудудини талаб қилишда давом этишини айтди.

 

Путин учрашувда Украинадаги урушни тугатиш бўйича АҚШ билан музокараларга алоҳида тўхталди. “Kommersant” нашрининг ёзишича, у Донабасс ҳудудини бутунлай талаб қилишда қатъий эканлигини билдирган.

 

Нашр маълумотига кўра, Россия ҳарбий йўл билан эгаллай олмаган Донбассни Москва назоратига ўтказиш кераклигини айтган. Шу билан бирга, у айрим ҳудудлар бўйича чекланган алмашинув эҳтимолини ҳам истисно қилман.

 

Путин Краматорск–Константинивка–Словянск саноат тугуни бўйича масала муҳокама қилинмаслигини таъкидлаган. У, шунингдек, АҚШ айрим ташаббуслар бўйича Европа билан маслаҳатлардан кейин позициясини ўзгартираётганини «кучсизлик» деб атаган.

 

“The Bell” нашри маълумотига кўра, учрашувда қатнашган бизнесменлар рўйхати ошкор этилмаган. Манбаларнинг айтишича, санкциялардан қутулган айрим иштирокчилар яна чекловлар остига тушмаслик учун очиқ кўринишдан қочган.

 

Бундан аввал Блоомберг манбаси Москва Украина президенти Владимир Зеленский таклиф қилган 20 пунктли тинчлик режасини қайта кўриб чиқишни талаб қилаётганини хабар қилган эди. Кремль НАТО шарқ томон кенгаймаслиги, Украина нейтрал мақоми ва Украина қуролли кучлари сони бўйича қатъий чекловларни истамоқда.

 

24 декабрь куни Зеленский режанинг барча 20 бандини эълон қилган эди. Унда Украина суверенитети кафолатланиши, халқаро хавфсизлик кафолатлари берилиши ва ҳудудий масалалар референдум орқали ҳал қилиниши таклиф этилган.