Меҳрибонлик уйида тарбияланувчи болажонлар учун “Президент арчаси” байрам тадбири бўлиб ўтди

 

Ижтимоий ҳимоя миллий агентлиги томонидан Меҳрибонлик ва мурувват уйлари тарбияланувчилари, оилавий болалар уйларида тарбияланаётган болалар, шунингдек ота-она қарамоғидан маҳрум бўлган болалар ҳамда юртимиз тинчлиги ва осойишталиги йўлида ҳалок бўлган ҳуқуқни муҳофаза қилувчи органлар ҳодимларининг фарзандлари учун махсус "Президент арчаси" тадбири ташкил этилди. 

 

Байрамда умумий ҳисобда 11 125 дона шакллантирилган Президент совғалари болажонларга туҳфа этилиб улар таркибига болаларнинг таълим олиши ва бўш вақтини мазмунли ўтказишига хизмат қилувчи 24 номдаги ўқув қуроллари, шунингдек болажонлар севиб истеъмол қиладиган 34 номдаги ширинлик маҳсулотлари ўрин олган. 

 

Байрам олди ҳудудларда бир қатор тадбирлар ташкил этилган бўлиб шу билан бирга Ўзбекистон халқаро форумлар саройида ҳам "Ижтимоий ҳимоя миллий агентлиги" томонидан меҳрибонлик уйида яшовчи болалар учун ташкил этилган байрамда бир қатор спектакллар намойиш этилиб болалар томонидан ижобий кайфиятда кутиб олинди. Ижтимоий ҳимоя агентлиги томонидан меҳрибонлик уйи болаларга виза карта очилгани катта туҳфа бўлди, 18 ёшга тўлганда эса мустақил ҳаёт остонасида турганда молиявий мустақил бўлади дейди 22-меҳрибонлик уйи ходимаси. Байрамда Ижтимоий ҳимоя миллий агентлиги директорининг биринчи ўринбосари Шахноза Мирзиёева ҳам иштирок этиб болажонлар билан биргаликда спектакль намойишини томоша қилди. Ҳимояга муҳтож бўлган болалар учун "Президент арчаси" тадбири ижодий чиқишларга бой бўлиб томошабинлар қалбидан чуқур ўрин олди.