Германияда Усмоновга қарши иккинчи тергов айбловсиз ёпилди
Алишер Усмонов санкцияларни бузишда гумонланаётган эди.
Германия ҳуқуқ-тартибот идоралари USM Holding асосчиси, тадбиркор Алишер Усмоновга нисбатан санкцияларни бузиш гумони билан олиб борилган иккинчи терговни якунлади. Мюнхен прокуратураси томонидан олиб борилган иш айбловлар илгари сурилмасдан тўхтатилди.
Усмонов вакилларининг маълум қилишича, мазкур қарор Германия Жиноят-процессуал кодексининг 153а-моддаси асосида қабул қилинган. Ушбу норма ишни айбловсиз тугатиш имконини беради. Тадбиркор ихтиёрий равишда хайрия маблағларини ажратишга розилик билдирган. Адвокатлар таъкидлашича, худди шу гумонлар бўйича терговни қайта очиш истисно қилинади, Алишер Усмоновга нисбатан эса айбсизлик презумпцияси тўлиқ сақланиб қолади.
Тергов доирасида назорат органлари Усмоновни 2022 йил апрель–центабр ойларида Бавариянинг Rottach-Egern муниципалитетидаги мулкларда хавфсизлик хизматлари учун хорижий компаниялар орқали тўловларни амалга оширганликда гумон қилган эди.
Эслатиб ўтилишича, Алишер Усмонов 2022 йил февраль ойида Европа Иттифоқи санкциялар рўйхатига киритилган. Тадбиркор ушбу қарорни асоссиз ва адолатсиз деб баҳолаб, унга қарши суд тартибида эътироз билдирган. У санкциялар тенглик, мутаносиблик, мулк ҳуқуқи, шахсий ҳаёт дахлсизлиги ҳамда сўз эркинлиги тамойилларини бузганини таъкидлаган. Шунга қарамай, Европа Иттифоқи Адлия суди унинг даъволарини бир неча бор рад этган.
