Навоийда МИБ орқали 282 млн сўм иш ҳақи ундирилди
Шу тариқа фуқаронинг бузилган ҳуқуқлари тикланди.
Мажбурий ижро бюроси Навоий вилоят бошқармаси томонидан иш ҳақини ундириш тўғрисидаги ижро ҳужжатларини ижросини ўз вақтида таъминлаш, айниқса, фуқароларнинг бузилган ҳуқуқларини тиклаш борасида бир қатор ишлар амалга оширилмоқда.
Хусусан, фуқаролик ишлари бўйича Зарафшон туманлараро судининг ижро варақасига асосан қарздор “З.Ш.И.М.Б”дан ундирувчи Ж.О.нинг фойдасига жами 282.388.000 сўм иш ҳақи ундириш ҳақидаги ижро ҳужжати юзасидан Бюронинг Зарафшон шаҳар бўлими томонидан ижро ҳаракатлари олиб борилди.
Бу жараёнда иш ҳақи тўлиқ ундирилиши таъминланиб, фуқаронинг бузилган ҳуқуқлари тикланди.
