Венс Илон Маскни янги партия тузишдан қайтарди — The Washington Post

 

АҚШ вице-президенти Ж.Д. Венс америкалик миллиардер Илон Маскни Қўшма Штатларда янги сиёсий партия тузиш режасидан воз кечишга кўндирди. Бу ҳақда The Washington Post нашри хабар бермоқда.

 

Нашр маълумотларига кўра, Илон Маск мазкур ташаббусга жиддий ёндашган. Бироқ вице-президент Венс ва унинг яқин доираси янги партиянинг ташкил этилиши 2026 йилда бўлиб ўтадиган оралиқ сайловларда ҳамда кейинги сиёсий жараёнларда республикачилар партиясига сезиларли зарар етказиши мумкинлигидан хавотир билдирган.

 

Шу муносабат билан Ж.Д. Венс Маскнинг иттифоқчиларини тадбиркорни партия тузиш ғоясидан воз кечишга ундашга чақирган. ВПънинг ёзишича, бир неча ой давом этган сиёсий ва норасмий мулоқотлар ўз самарасини берган.

 

Кейинчалик Ж.Д. Венс Маскнинг яқин иттифоқчиси Жаред Исаакнинг номзодини қўллаб-қувватлаш учун ҳукуматга норасмий шаклда таъсир ўтказган. Исаакман Маскка тегишли SpaceХ компаниясининг асосий молиявий ҳамкорларидан бири бўлиб, у декабрь ойида АҚШ Миллий аэронавтика ва космик тадқиқотлар бошқармаси — НАСА раҳбари лавозимини эгаллаган.

 

Хабар қилинишича, партия тузиш ғоясидан воз кечган Илон Маск ноябрь ойида Оқ уйда Саудия Арабистони валиаҳд шаҳзодаси Муҳаммад бин Салмон шарафига уюштирилган расмий кечки овқатда иштирок этган. Шунингдек, консерватив сиёсатчи Чарли Киркнинг ўлдирилиши фонида Маск 2026 йилги оралиқ сайловлар арафасида Республикачилар партиясининг сайлов кампаниясини қўллаб-қувватлашга қарор қилган.