Трамп: ҲАМАС қуролсизланиши ёки катта пул тўлаши керак
Фаластин ҳаракатига қуролсизланиш учун қисқа вақт берилади.
АҚШ президенти Доналд Трамп Фаластиннинг ҲАМАС ҳаракатига қуролсизланиш учун жуда қисқа муддат берилишини маълум қилди. Бу ҳақда у Исроил Бош вазири Бинямин Нетаняху билан бўлиб ўтган икки томонлама учрашувдан сўнг ўтказилган қўшма матбуот анжуманида айтиб ўтди, дея хабар берди ТАСС.
Давлат раҳбарининг таъкидлашича, томонлар ҲАМАСни қуролсизлантириш масаласини муҳокама қилган ва ушбу жараён бўйича аниқ муддат белгиланган.
Трампнинг сўзларига кўра, қуролсизланиш жараёни АҚШнинг махсус вакили Стив Виткофф ҳамда унинг куёви Жаред Кушнер томонидан назорат қилинади.
«Уларнинг қуролсизланиш учун жуда қисқа вақти бўлади. Агар келишилган шартларга амал қилинмаса, катта нарх тўлашларига тўғри келади. Биз бунга интилмаймиз, бироқ улар тезкор равишда қуролсизланиши керак», — деди АҚШ президенти.
