АҚШ диктаторларга қандай муносабатда бўлишни билади – Зеленский
Украина президенти Николас Мадуронинг ҳибсга олинишини «диктаторлар»га тўғри муносабатда бўлиш намунаси сифатида кўрсатди.
Украина президенти Владимир Зеленский АҚШнинг Венесуэлага ҳужуми ва Николас Мадуронинг ҳибсга олинишини «диктаторлар»га тўғри муносабатда бўлиш намунаси сифатида мақтади. Бу ҳақда BILD нашри хабар берди.
“Агар диктаторларга шундай муносабатда бўлиш мумкин бўлса, демак, Америка Қўшма Штатлари бундан кейин нима қилиш кераклигини билади”, —деди Зеленский Киевда журналистлар олдида.
Баёнот контексти Зеленский Владимир Путинга ишора қилаётганини кўрсатган.
Бир кун аввал АҚШ президенти Доналд Трампнинг Флоридада бўлиб ўтган матбуот анжуманида давлат котиби Марко Рубио Мадурога қарши операция бошқаларга ҳам Америкага жиддий қараш кераклиги ҳақида огоҳлантириш эканлигини айтди.
