Трамп Колумбияни ҳам Венесуэла тақдири кутаётганини рад этмади
Колумбия президенти Густаво Петро мамлакат ички ишларига аралашишга ҳаракат бўлса, унга муносиб жавоб беришга тайёрлигини билдирди.
АҚШ президенти Доналд Трамп Венесуэладаги ҳарбий операция ва унинг етакчиси Николас Мадуронинг ҳибсга олиниши фонида Колумбия учун шунга ўхшаш сценарийни истисно қилмаслигини билдирди. Трамп Колумбияни “жуда касал” ва “касал одам томонидан бошқариладиган” мамлакат деб атади ҳамда унинг Қўшма Штатларга кокаин етказиб беришда айбланганини таъкидлади. Бу ҳақда РБС хабар берди.
Трампнинг сўзларига кўра, АҚШнинг мақсади атрофдаги нефтни эркин қазиб олиш мумкин бўлган барқарор ва муваффақиятли мамлакатларга эга бўлишдир. У Колумбияга қарши операция эҳтимолини “яхши эшитилади” деб таърифлади.
АҚШнинг айбловларига жавобан Колумбия президенти Густаво Петро мамлакат ички ишларига аралашишга ҳаракат бўлса, унга муносиб жавоб беришга тайёрлигини билдирди.
Эслатиб ўтиш лозим, 3 январ куни АҚШ Венесуэлага қарши операция ўтказиб, президент Николас Мадуро ва унинг рафиқаси Силия Флоресни қўлга олиб, Қўшма Штатларга суд учун олиб келган. Давлат котиби Марко Рубио бу ҳаракатни “Венесуэлага қарши уруш эмас, балки гиёҳванд моддалар савдосига қарши кураш” деб таъкидлади.
