Швейцария Мадуро билан боғлиқ барча активларни музлатди

Ҳукумат Николас Мадуро ва яқин шерикларига тегишли активларни дарҳол музлатиш ҳақида қарор чиқарди.

Швейцария ҳукумати ағдарилган Венесуэла раҳбари Николас Мадуро ва унинг яқин шерикларига тегишли барча активларни “дарҳол кучга кириши билан” тўрт йиллик эҳтиёт чораси сифатида музлатиш қарорини қабул қилди. Ҳужжатда аниқ миқдор кўрсатилмаган ва ҳозирги кунда Швейцарияда барча активлар мавжудлиги тасдиқланмаган. Бу ҳақда Euronews хабар қилмоқда.

Федерал Кенгаш баёнотида айтилганидек, қарор “ҳозирги вазиятда ноқонуний равишда қўлга киритилган ҳар қандай активларни Швейцариядан ташқарига чиқарилмаслигини таъминлаш” мақсадида қабул қилинган. Ушбу музлатиш амалдаги Венесуэла ҳукумати аъзоларига таъсир қилмайди, лекин келажакдаги суд жараёнларида активларнинг ноқонуний олинганлиги аниқланса, Швейцария уларнинг Венесуэла халққа фойда келтиришига ҳаракат қилади.

3 январ куни Мадуро АҚШ кучлари томонидан Каракасда ҳибсга олиниб, гиёҳванд моддалар савдоси ва наркотафрик билан боғлиқ айбловлар асосида Қўшма Штатларга олиб кетилган эди. Швейцария 2018 йилдан бери Венесуэлага қарши санкцияларни жорий қилган, АҚШ, Канада ва Европа Иттифоқи эса 2017 йилдан бери Каракас билан савдо қилишга санкциялар қўллаган.

Швейцариянинг хусусий банк сектори сиёсий фаол шахслар ва юқори хавфли мижозлар бойлигини сақлаш жойи сифатида кўп маротаба тилга олинган. Бу эса мамлакатнинг барқарор банк тизими ва тарихий махфийлик туфайли актив эгалигини аниқлашни мураккаблаштиради.”