Эрондаги намойишларда 35 киши ҳалок бўлди
1200 дан ортиқ фуқаро ҳибсга олинган.
Эронда давом этаётган норозилик намойишлари оқибатида ҳалок бўлганлар сони 35 кишига етди, 1200 дан ортиқ фуқаро ҳибсга олинди.
Бу ҳақда HRANA ҳуқуқни ҳимоя қилиш ташкилоти маълум қилди дейди mediz.az нашри. Қайд этилишича, ҳуқуқ-тартибот органлари томонидан жами 1200 нафардан ортиқ намойиш иштирокчиси қўлга олинган.
Маълумотларга кўра, ҳалок бўлганлар орасида 29 нафар намойишчи, тўрт нафар вояга етмаган шахс ҳамда икки нафар хавфсизлик хизмати ходими бор.
Маҳаллий оммавий ахборот воситалари хабарларига кўра, сўнгги 24 соат ичида норозилик намойишлари фаоллиги пасайган, зўравонлик ҳолатлари қайд этилмаган.
Эслатиб ўтамиз, Эронда норозилик намойишлари 28 декабрь куни миллий валюта — риалнинг АҚШ долларига нисбатан кескин қадрсизланиши ортидан бошланган эди.
