Тиббиёт ходимлари учун ипотека кредитларининг 25 фоизи давлат топмонидан қоплаб берилади
Уй-жой имтиёзи 2026 йил 1 январдан кучга кирди.
Ўзбекистонда соғлиқни сақлаш ва фармацевтика соҳасида узоқ йиллик меҳнат қилаётган ходимларни қўллаб-қувватлаш мақсадида янги уй-жой имтиёзлари жорий этилмоқда. Бу ҳақда Соғлиқни сақлаш бош бошқармаси хабар берди.
Унга кўра, давлат ипотека кредитлари бўйича дастлабки тўловнинг бир қисмини қоплаб беради.
Белгиланган тартибга мувофиқ, давлат соғлиқни сақлаш муассасаларида камида 15 йиллик иш тажрибасига эга бўлган 500 нафар тиббиёт ва фармацевтика ходими ушбу имтиёздан фойдаланиш ҳуқуқига эга бўлади. Улар учун ипотека кредити бўйича дастлабки тўловнинг 25 фоизи давлат томонидан қопланади.
Ушбу имтиёз 2026 йил 1 январдан бошлаб кучга кирди.
