Тошкент аэропортидаги электр узилишлари Қўйлиқ подстанциясидаги авария билан боғлиқ эмас
Миллий электр тармоқлари “Ўзбекистон аэропортлари” баёнотини расман рад этди.
Тошкент аэропортида кузатилган электр таъминоти узилишлари юзасидан давлат идоралари ўртасида келишмовчилик юзага келди. “Ўзбекистон Миллий электр тармоқлари” АЖ “Ўзбекистон аэропортлари” томонидан илгари сурилган, узилишлар Қўйлиқ подстанциясидаги авария билан боғлиқ деган маълумотни расман рад этди.
Mаълум қилинишича, электр узилиши аэропорт тасарруфидаги кабель линиясида юзага келган қисқа туташув оқибатида содир бўлган.
Қайд этилишича, Тошкент аэропорти электр энергиясини бешта кабель линияси орқали қабул қилади. Ушбу линияларнинг тўрттаси Қўйлиқ подстанциясидан, биттаси эса Тошкент иссиқлик электр станциясидан тортилган. Бироқ, бу кенг тармоқнинг барчаси аэропортга тегишли ва тизимдаги носозликлар айнан ўша ерда бошланган.
Маълумотларга кўра, электр узилишлари 2 январ куни икки кабель линиясининг бир вақтнинг ўзида ишдан чиқиши билан бошланган. Улардан бири тезкор равишда тикланган бўлса, иккинчи линияда таъмирлаш ишлари ҳали давом этмоқда. Вазият 4 январ куни яна бир кабель линиясининг ишдан чиққан ва 5 январ куни ишга туширилган.
