АҚШ ва Украина тинчлик режаси бўйича келишувга эришди
Вашингтон энди Россиянинг жавобини кутмоқда.
АҚШ ва Украина урушни тинч йўл билан ҳал этишга қаратилган келишув бўйича муросага келишди. Бу ҳақда Ахios нашри хабар берди.
Маълум қилинишича, Вашингтон ва Киев тинчлик режасининг деярли барча асосий жиҳатлари бўйича келишувга эришган. Музокаралар давомида Украинага бериладиган хавфсизлик кафолатлари, шунингдек, Киев томонидан эҳтимолий ҳудудий имтиёзлар масаласи муҳокама қилинган.
Ҳозирда АҚШ маъмурияти Россия томонидан мазкур янгиланган тинчлик режасига аниқ ва расмий жавоб кутмоқда. Нашрга кўра, АҚШ президенти махсус вакили Стив Виткофф ҳамда президентнинг куёви Жаред Кушнер режанинг янги вариантини Россия президенти Владимир Путиннинг махсус вакили Кирилл Дмитриевга етказган.
Вашингтон ушбу ташаббус Россия томонидан қандай қабул қилинишига қараб кейинги дипломатик қадамларни белгилашни режалаштирмоқда.
