Трамп ўзини НАТОнинг қутқарувчиси деб эълон қилди
АҚШ президенти альянс бугунги ҳолатга айнан унинг сиёсати туфайли етиб келганини таъкидлади.
АҚШ президенти НАТОни сақлаб қолган ва мустаҳкамлаган шахс айнан ўзи эканини билдирди. У бу ҳақдаги фикрини ижтимоий тармоқдаги шахсий саҳифасида эълон қилди. Бу ҳақда Publika.az нашри хабар бермоқда.
“Мен НАТОни қутқарган одамман!” — деб ёзди Трамп, баёнотига ундов белгиларини ҳам қўшиб. Унинг сўзларига кўра, альянс аъзолари мудофаа харажатларини оширишга айнан унинг босими сабаб мажбур бўлган.
Трамп аввалроқ ҳам бир неча бор агар у АҚШ президенти бўлмаганида, НАТО бугунги кунда мавжуд бўлмаслиги мумкинлигини айтиб келган. У альянс ичида масъулият тенг тақсимланмаганини танқид қилиб, Европа давлатларини кўпроқ маблағ ажратишга чақирган.
Мазкур баёнот Трампнинг НАТО ва АҚШнинг халқаро мажбуриятларига нисбатан қатъий позицияси яна кун тартибига қайтаётганини кўрсатмоқда. Бу фикрлар альянс ичида турлича баҳоланиб, халқаро сиёсий муҳокамаларга сабаб бўлиши мумкин.
