Андижонда кредитдан қарздор фуқаро машинасидан айрилди
Эндиликда кредит қарзлари қайтарилмаса автомашина аукцион орқали сотувга қўйилиши мумкин.
Мажбурий ижро бюроси Андижон вилоят бошқармаси иш юритувига фуқаролик ишлари бўйича Андижон туманлараро судининг қарздор Т.Ю.дан ундирувчи “Асакабанк” АЖ Андижон филиали фойдасига 254,2 млн сўм кредит қарздорлигини ундириш ва ундирувни гаровдаги автотранспорт воситасига қаратиш ҳақидаги ижро ҳужжати келиб тушган.
Ижро ҳужжати талабини ўз муддатида бажариши ҳақида қарздор огоҳлантирилган ва тушунтириш ишлари олиб борилган.
Бироқ, белгиланган муддатларда қарздор томонидан кредит қарзи тўланмаганлиги сабабли, Бюро ходимлари томонидан “BYD SONG PLUS” русумли автомашина рўйхатга олиниб, хатланди.
Эндиликда кредит қарзлари қайтарилмаса автомашина аукцион орқали сотувга қўйилиши мумкин.
