Эрон ҳаво ҳудуди ёпилиши сабаб бир нечта авиарейслар ортга қайтди
Fly One Asia, Jazeera Airways, Sam Air, Fly Khiva ва Uzbekistan Airways рейслари бекор қилинди.
Эрон ҳаво ҳудудининг вақтинча ёпилиши сабабли бир қатор халқаро авиарейслар жўнаш аэропортларига қайтишга мажбур бўлди. Бу ҳақда Uzbekistan Airports матбуот хизмати маълум қилди.
Қайд этилишича, 15 январ куни қуйидаги авиакомпаниялар рейслари хавфсизлик нуқтайи назаридан ўз парвозларини давом эттира олмаган ва ортга қайтган:
- Fly One Asia авиакомпаниясининг 7Q7742 рейси (Мадина – Тошкент) Мадина аэропортига қайтди;
- Fly One Asia авиакомпаниясининг 7Q4442 рейси (Мадина – Фарғона) ҳам Мадина аэропортига қайтиб келди;
- Jazeera Airways авиакомпаниясининг J9650 рейси (Тошкент – Қувайт) Тошкентдан маҳаллий вақт билан соат 02:01 да ҳавога кўтарилганига қарамай, яна Тошкент халқаро аэропортига қайтди;
- Sam Air авиакомпаниясининг 9S3303 рейси (Самарқанд – Жидда) Самарқанддан соат 02:04 да учиб чиқиб, қайта Самарқанд аэропортига қўнди;
- Fly Khiva авиакомпаниясининг 2U7911 рейси (Урганч – Мадина) Урганчдан соат 02:17 да учиб чиқиб, яна жўнаш аэропортига қайтишга мажбур бўлди;
- Uzbekistan Airways авиакомпаниясининг HY336 рейси (Жидда – Тошкент) ҳам Эрон ҳаво ҳудуди ёпилгани сабабли Жидда аэропортига қайтди.
