Наманганда қарздор отадан 42 млн алимент ундрилди
Эркак 1 нафар фарзандининг моддий таъминоти учун алимент тўламай келган.
Мажбурий ижро бюроси Янги Наманган тумани бўлими давлат ижрочиси томонидан олиб борилган самарали тушунтириш ишлари натижасида узоқ вақт давомида тўланмай келинган алимент қарзи тўлиқ ундирилди.
Маълум бўлишича, Фуқаролик ишлари бўйича Наманган туманлараро судининг ҳал қилув қарорига асосан фуқаро М.М. фойдасига 1 нафар фарзанди таъминоти учун алимент ундириш белгиланган.
Бироқ қарздор томонидан алимент мажбуриятлари узоқ вақт давомида бажарилмай, жами 42 миллион сўм қарздорлик юзага келган.
Давлат ижрочиси томонидан қонунчилик талаблари ва алимент тўламасликнинг ҳуқуқий оқибатлари атрофлича тушунтириб берилгандан сўнг, қарздор ўз мажбуриятини англаб етиб, алимент қарздорлигини тўлиқ тўлаб берди.
Мажбурий ижро бюроси органлари томонидан вояга етмаганларнинг манфаатларини ҳимоя қилиш, алимент тўловларини ўз вақтида ва тўлиқ ундирилишини таъминлаш борасида изчил иш олиб бормоқда.
