Хайриддин Султонов Ўзбекистон халқ ёзувчиси бўлди
У таваллудининг 70 йиллиги муносабати билан фахрий унвон билан тақдирланган.
Ўзбекистон Республикаси Президентининг маслаҳатчиси – Спичрайтери Султонов Хайриддин Мадриддиновичга “Ўзбекистон Республикаси халқ ёзувчиси” фахрий унвони билан тақдирланди. Бу ҳақида Президент матбуот хизмати хабар бермоқда.
“Давлат идораларидаги кўп йиллик самарали меҳнати, миллий адабиётимиз ва маданиятимиз ривожига қўшган улкан ҳиссаси, ўзининг бетакрор истеъдоди, серқирра ижодий фаолияти билан халқимиз бадиий тафаккури, маънавий-интеллектуал салоҳиятини юксалтириш, ўзбек адабиёти хазинасини тарихий ва замонавий мавзудаги ёрқин асарлар билан бойитиш, юртимизда амалга оширилаётган ислоҳотлар моҳиятини аҳоли ўртасида тарғиб этиш, ёш авлодни Ватанга муҳаббат, истиқлол ғояларига садоқат руҳида тарбиялаш борасидаги катта хизматлари, ижтимоий-сиёсий ҳаётдаги фаол иштироки ҳамда таваллудининг 70 йиллиги муносабати билан Ўзбекистон Республикаси Президентининг маслаҳатчиси – Спичрайтери Султонов Хайриддин Мадриддиновичга “Ўзбекистон Республикаси халқ ёзувчиси” фахрий унвони берилсин”, дейилади давлат раҳбарининг Фармони.
Маълумот учун, Хайриддин Султонов 1956 йил 15 январ куни Тошкент вилоятининг Қибрай тумани Тузел қишлоғида туғилган. 1963-1973 йилларда Паркентдаги ўрта мактабда ўқиган. 1973 йилда Тошкент Давлат университетининг журналистика факультетига ўгишга кириб, 1978 йилда тугатган. 1974–1980 йилларда «Гулистон», 1982-1985 йилларда ,«Ёшлик» журналларида, 1980-1982 , 1985–1993 йиллар орасида Ғафур Ғулом номидаги Адабиёт ва санъат нашриётида турли лавозимларда ишлаган.
