Фарғонада банкдан қарздор фуқаронинг машинаси хатланди
Гаров мулк сифатида белгиланган автомашина қарздор қонун талабларини бажармагани учун қидирувга берилган эди.
АТБ фойдасига 310 000 000 сўм қарзни ундириш бўйича қидирувда бўлган DAF русумли юк автомашинаси Мажбурий ижро бюроси Фарғона вилояти бошқармаси ходимлари томонидан аниқланиб, қонуний тартибда хатланди.
Суд қарорига биноан гаров мулк сифатида белгиланган автомашина қарздор қонун талабларини бажармагани учун қидирувга берилган эди. Тезкор тадбирлар натижасида унинг жойлашуви аниқланиб, ҳужжатлари текширилди ва тегишли тартибда хатловга олинди.
Энди автомашина баҳоланади. Агар қарз ихтиёрий тўланмаса, у аукцион савдога чиқарилиб, тушган маблағ АТБ фойдасига ўтказилади.
Бюро эслатишича, қарз ўз вақтида тўланса, мулкни сотиш ва қўшимча чоралар қўлланилмайди.
