0
Тошкент-Термиз йўналишидаги самолёт ортга қайтишга мажбур бўлди
Кучли қор ёғиши сабаб самолёт Тошкент халқаро аэропортига қайтарилган.
22 январ куни республиканинг айрим ҳудудларида кучли қор ёғиши кузатилмоқда. Шу муносабат билан Тошкентдан Термизга учган «Silk Avia» авиакомпаниясининг US-751 рейси об-ҳаво шароити сабабли ортга қайтишга мажбур бўлди.
Самолёт Ислом Каримов номидаги Тошкент халқаро аэропортига муваффақиятли қайтарилган.
Аввалроқ Тошкент–Владивосток йўналишида парвоз қилаётган «Ўзбекистон ҳаво йўллари» авиакомпаниясига тегишли Boeing 767-300 самолёти техник носозлик туфайли Красноярскдаги Д.A. Хворостовский номидаги халқаро аэропортга фавқулодда қўнганлиги ҳақида хабар берилган эди.
