Ўшда маст эркак хотинини аёвсиз калтаклаб, пичоқлади

 

 

Қирғизистоннинг Ўш шаҳрида оғир оилавий зўравонлик ҳолати қайд этилди. Бугун, 24 январь куни эрта тонгда кўп қаватли уйлар ҳовлисида маст эркак ўз хотинини шафқатсизларча калтаклаб, қорнига пичоқ билан жароҳат етказган. Ҳодиса гувоҳларининг айтишича, воқеа тахминан соат 4:00 атрофида содир бўлган. Бу ҳақда "24кг" нашри хабар берди.

Маълум қилинишича, аёл оғир аҳволда шифохонанинг реанимация бўлимига ётқизилган. Қўшниларнинг сўзларига кўра, эр-хотиннинг икки нафар вояга етмаган фарзанди бор. Ҳолат юзасидан Ўш вилояти Ички ишлар департаменти расмий изоҳ берган.

Департамент маълумотига кўра, тахминан соат 5:00 да Ок-Буура туман милиция бўлимига тез тиббий ёрдам ходимларидан 1999 йилда туғилган аёл тан жароҳатлари билан шифохонага олиб кетилгани ҳақида хабар тушган. Дастлабки маълумотларга кўра, жабрланувчи эридан қочишга уринган пайтда жароҳат олган.

Ҳуқуқни муҳофаза қилувчи органлар маст ҳолатда бўлган 32 ёшли эркакни қисқа фурсатда қўлга олган. Ҳозирда аёл шифохонада даволанмоқда, шифокорлар унинг аҳволини қониқарли деб баҳоламоқда. Воқеа юзасидан тергов ҳаракатлари олиб борилмоқда, қўшимча маълумотлар кейинроқ тақдим этилиши маълум қилинди.