Ўзбекистон сунъий интеллектдан фойдаланиш даражаси энг паст бўлган мамлакатлар қаторидан жой олди
2025 йилги халқаро тадқиқот натижаларига кўра, мамлакатда СИ технологияларидан фойдаланиш даражаси атиги 6,3 фоизни ташкил этган.
2025 йилда Ўзбекистон сунъий интеллектдан (СИ) фойдаланиш кўрсаткичлари бўйича 147 та давлат орасида 141-ўринни эгаллади. Мисрософтъга қарашли Иқтисодиёт ва сунъий интеллект институти томонидан ўтказилган тадқиқот натижаларига кўра райтинг эълон қилинди. Бу ҳақда Казинформ нашри хабар берди.
Ҳисоботда таъкидланишича, мамлакатда сунъий интеллект технологияларидан фойдаланиш даражаси 6,3 фоиздан ошмайди. Ушбу натижа билан Ўзбекистон дунё рейтингининг энг қуйи поғоналаридан жой олган бўлиб, ундан кейин фақат Сурия ва Шри-Ланка қайд этилган.
Марказий Осиё мамлакатлари орасида ҳам фарқ сезиларли. Масалан, Қозоғистонда сунъий интеллектдан фойдаланиш даражаси 13,7 фоизни ташкил этиб, бу мамлакатга глобал рейтингда 71-ўринни эгаллаш имконини берган. Тожикистон ва Туркманистон эса Ўзбекистонга яқин кўрсаткичлар билан қуйи ўринларда жойлашган.
Шу билан бирга, Ўзбекистонда сунъий интеллект соҳасини ривожлантириш бўйича айрим ташаббуслар мавжуд. Хусусан, жорий йилда зилзилаларни сунъий интеллект ёрдамида башорат қилиш тизимини жорий этиш режалаштирилган бўлиб, мутахассислар бу келгусида технологиялардан фойдаланиш кўламини кенгайтиришга хизмат қилишини таъкидламоқда.
